काठमाडौं, १३ पुस । नेपाल स्टक एक्सचेञ्ज (नेप्से)मा महालक्ष्मी विकास बैंकको सेयरमूल्य समायोजन भएको छ ।
महालक्ष्मी विकास बैंक लिमिटेडको २० प्रतिशत बोनस सेयरपछि नेप्सेले प्रतिकित्ता ४ सय ७० रूपैयाँ ३३ पैसा कायम हुनेगरी मूल्य समायोजन गरेको छ ।
नेप्सेले सोमबारको अन्तिम कारोबार मूल्य ५ सय ६४ रूपैयाँ ४० पैसाका आधारमा मूल्य समायोजन गरेको हो ।
बैंकको बीसौँ वार्षिक साधारण सभा पौष २५ गते, आइतबार आर्मी अफिसर्स क्लब, भद्रकाली, काठमाडौँमा बिहान ११ बजेदेखि सुरू हुनेछ ।
सभामा बैंकको मंसिर १२ गते, आईतबार बसेको सञ्चालक समितिको बैठकले गरेको निर्णय अनुसार गत आर्थिक वर्ष २०७७/७८ को मुनाफाबाट बैंकका शेयरधनीहरूलाई चुक्ता पूँजीको २० प्रतिशत बोनस सेयर र कर प्रयोजनका लागि १.०५ प्रतिशत नगद गरी कुल २१.०५ प्रतिशत लाभांश वितरण गर्ने प्रस्ताव पारित गरिनेछ ।
