झिनो अंकले बढ्यो नेप्से, ३ अर्ब ६२ करोडको कारोबार

काठमाडौं, १४ पुस । शेयर बजारमा झिनो अंकको बढेको छ ।

साताको कारोबारको चौथोदिन शेयर बजार मापक सूचक नेप्से ५.५१ अंकले बढेर २५२४.५० विन्दुमा पुगेको हो ।

नेपाल स्टक एक्सचेन्जका अनुसार बुधवार २२८ कम्पनीको ३ अर्ब ६२ करोड ३४ लाख ८० हजार २९१ रुपैयाँ बराबरको ५६ लाख ३८ हजार २९७ कित्ता शेयर किनबेच भएका छन् ।

आज कारोबारमा आएका १३ समूहको परिसूचक मध्ये ८ वटामा बढेको छ भने अन्य ५ वटा राताम्मे भएका छन् ।

सामान्य अंकले बढेको बजारमा बैंकिङ ०.७६ , होटल तथा पर्यटन १७, निर्जीवन बीमा २५१ माइक्रोफाइनान्स ११, जलविद्युत २५३ र उत्पादन ५७ अंकले बढेको छ ।

ब्यापार १३, विकास बैंक २९, फाइनान्स घटेको छ भने अन्य उपसमूह १९ अंकले बढेको छ ।

नेप्सेका अनुसार आज एक कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीमा भोटेकोशी जलविद्युत कम्पनी रहेको छ । यो कम्पनीको शेयरमूल्य सर्किट लेभलमा बढेका छ ।

त्यस्तै,नारायणी डेभलपमेन्ट बैंक र समृद्धि फाइनान्स शेयरमूल्यमा सर्वाधिक गिरावट आएको छ । यसको शेयरमूल्य ३ प्रतिशत भन्दा बढीले घटेको छ ।

यस्तै, कारोबारको आधारमा आज सबैभन्दा बढी कारोबार हिमालयन डिष्टिलीटर लिमिटेडको भएको छ । यस कम्पनीको आज ५२ करोड ५५ लाख भन्दा बढीको कारोबार भएको छ ।

LEAVE A REPLY

Please enter your comment!
Please enter your name here