काठमाडौं, २४ पुस । पछिल्लो २४ घण्टामा काठमाडौं उपत्यकामा ४८१ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार शनिवार काठमाडौंमा ३६२, भक्तपुरमा २५ र ललितपुरमा ९४ गरी ४८१ जना थपिएका हुन्।
यस्तै, काठमाडौं उपत्यकामा २९७८ सक्रिय संक्रमित छन्। जसमध्ये काठमाडौंमा १६७६, ललितपुरमा ७२३ र भक्तपुरमा ५७६ सक्रिय संक्रमित छन्।
पछिल्लो २४ घण्टामा देशभर ९४४ जनामा कोरोना संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार ९ हजार ७६२ जनाको पीसीआर परीक्षण गर्दा ६९६ जना र ३ हजार ५०२ जनाको एन्टिजेन परीक्षण गर्दा २४८ गरी ९४४ जनामा कोरोना भाइरसको संक्रमण देखिएको हो ।
योसँगै नेपालमा कोरोना संक्रमितको संख्या ८ लाख ३१ हजार ७४८ जना पुगेको छ ।
पछिल्लो २४ घण्टामा २९७ जना संक्रमण मुक्त भएका छन् । यो सहित संक्रमण मुक्त हुनेको संख्या ८ लाख १४ हजार ६ पुगेको छ । संक्रिय संक्रमितको संख्या ६ हजार १४० रहेको छ ।
पछिल्लो २४ घण्टामा मृत्यु हुनेको संख्या शून्य रहेको छ । नेपालमा कोरोना मृत्यु हुनेको संख्या ११ हजार ६०२ पुगेको छ ।
