काठमाडौं, ११ माघ । शेयर बजारको ओरालो यात्रा कायमै रहेको छ ।
साताको कारोबारको तेस्रोदिन शेयर बजार मापक सूचक (नेप्से) ५.९२ अंकले घटेर २८१४.७४ विन्दुमा झरेको छ ।
नेपाल स्टक एक्सचेन्जका अनुसार मंगलवार २२९ कम्पनीको ५ अर्ब ३९ करोड ५६ लाख ७२ हजार ६२७ रुपैयाँ बराबरको ९७ लाख ८४ हजार ६५१ कित्ता शेयर किनबेच भएका छन् ।
सोमबार तुलनामा कारोबार रकममा भारी गिरावट आएको छ । त्यसदिन ८ अर्ब ८८ करोड ८५ लाख १३ हजार १७७ रुपैयाँ बराबरको कारोबार भएको थियो ।
आज कारोबारमा आएका १३ वटा समूहको परिसूचकमध्ये १२ वटाको राताम्मे भएका छन् । भने १ वटा हरियो भएको छ । सामान्य अंकले घटेको बजारमा बैंकिङ ४ , होटल तथा पर्यटन ४, अन्य उपसमूह ९ अंकले घटेको छ ।
निर्जीवन बीमा २२, उत्पादन समूह १३, जलविद्युत १० अंकले घटेको छ । विकास बैंक २०, फाइनान्स ६, लगानी समूह ०.३७ र माइक्रोफाइनान्स १६ अंकले घटेको छ । जीवन बीमा समूह ६३ अंकले बढेको छ ।
नेप्सेका अनुसार आज दुई कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीहरुमा वीन नेपाल लघुवित्त वित्तीय संस्था र बुद्धभूमि नेपाल हाइड्रोपावर कम्पनी रहेको छ ।
यी दुबै कम्पनीको शेयरमूल्यमा सकारात्मक सर्किट लागेको छ । कारोबारको आधारमा आज सबैभन्दा बढी एसियन लाइफ इन्स्योरेन्स कम्पनीको भएको छ । यस कम्पनीको आज २६ करोड ९४ लाख भन्दा बढीको कारोबार भएको छ ।
अपी पावरको २२ करोडको कारोबार र एनआइसी एशिया बैकको १९ करोडको कारोबार भएको छ । त्यस्तै, कृषि विकास बैकको डिभेञ्चरसंगै गोर्खाज फाइनान्सको पनि शेयरमूल्यमा सर्वाधिक गिरावट आएको छ ।
कृषि विकास बैकको डिभेञ्चर ८ प्रतिशतले घटेको छ भने गोर्खाज फाइनान्सकको शेयरमूल्य ४ प्रतिशतले घटेको छ ।
त्यसैगरी, चन्द्रागिरि हिल्स, मिर्मिरे माइक्रोफाइनान्स, शिव श्री हाइड्रोपावर, उन्नति सहकार्य लघुवित्त, श्री इन्भेष्टमेन्ट, आरम्भ चौतारी लघुवित्त, मेरो माइक्रो फाइनान्स, साहज ऊर्जाको शेयर मूल्य २ प्रतिशतले घटेको छ ।
