काठमाडौं, १५ माघ । नेपालमा पछिल्लो २४ घण्टामा देशभर ४ हजार ९०४ जनामा कोरोना भाइरस संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार १० हजार १०१ जनाको पीसीआर परीक्षण गर्दा ३ हजार ३१८ जना र ४४६१ जनाको एन्टिजेन परीक्षण गर्दा १५८६ गरी ४ हजार ९०४ जनामा कोरोना भाइरसको संक्रमण देखिएको हो ।
योसँगै नेपालमा कोरोना संक्रमितको संख्या ९ लाख ४७ हजार ३९२ जना पुगेको छ ।
पछिल्लो २४ घण्टामा ५९१२ जना संक्रमण मुक्त भएका छन् । यो सहित संक्रमण मुक्त हुनेको संख्या ८ लाख ४८ हजार ४४८ पुगेको छ । संक्रिय संक्रमितको संख्या ८७ हजार ३४१ रहेको छ ।
पछिल्लो २४ घण्टामा मृत्यु हुनेको संख्या ६ रहेको छ । नेपालमा कोरोना मृत्यु हुनेको संख्या ११ हजार ७०३ पुगेको छ ।
