काठमाडौं, ४ फागुन । बुधबार नेपाली बजारमा सुनको मूल्य घटेको छ ।
लगातार बढेर तोलामा ९६ हजार ७ सय रुपैयाँमा पुगेको सुनको भाउ तोलामा सुन १६ सय रुपैयाँले घटेर ९५ हजार १ सय रुपैयाँमा झरेको हो ।
नेपाल सुनचाँदी व्यवसायी महासंघको अनुसार मंगलवार तोलामा १२ सय र आइतवार १५ सय रुपैयाँले बढेको थियो । आज तेजाबी सुनको मूल्य प्रतितोला ९४ हजार ६०० रुपैयाँ रहेको छ ।
आज चाँदीको भाउ पनि घटेको छ । मंगलवार तोलामा १३२० रुपैयाँ रहेको चाँदी आज १२८५ रुपैयाँमा कारोबार भइरहेको महासंघले जनाएको छ ।
