काठमाडौं, १८ फागुन । वैकल्पिक उर्जा प्रवद्र्धन केन्द्रले दुर्गम क्षेत्रका विद्यार्थीहरुका लागि निःशुल्क विद्युतीय चुलो वितरण गर्ने भएको छ ।
केन्द्रले दुर्गम क्षेत्रबाट काठमाडौं उपत्यका आएर कोठा भाडामा बसेका सरकारी वा सामुदायिक शिक्षण संस्थामा अध्ययनरत विद्यार्थीहरुलाई चुलो दिने भएको हो ।
एलपी ग्यासको मूल्य बढ्दो अवस्थामा राहत दिने उद्देश्यसहित यस्तो निवेदन आह्वान गरिएको छ । त्यस्तै विद्युतीय चुलोको पनि प्रवद्र्धन पनि गर्ने केन्द्रको विश्वास छ ।
यो सुविधा स्नातक र स्नातकोतर तहमा अध्ययन गर्ने विद्यार्थीहरुका लागि उपलब्ध गराइने छ । यसका लागि विद्यार्थीले नेपाली नागरिकताको प्रमाणपत्रको प्रतिलिपी र शिक्षण संस्थाको विद्यार्थी परिचयपत्र र सिफारिस केन्द्रमा बुझउनुपर्ने छ ।
तोकिएको शर्त पुग्ने विद्यार्थीहरुले यही फागुन २५ गतेसम्म आवेदन दिन सक्ने केन्द्रले जनाएको छ साथै यस सम्बन्धी विस्तृत जानकारी फारम केन्द्रको वेवसाइटमा उपलब्ध छ ।
सूचनाअनुसार आवेदन यही फागुन २५ गतेसम्म दिन सकिनेछ ।
[…] […]