काठमाडौं, २५ असार । बुधबार नेप्से परिसूचक १.१२ अंकले घटेर १ हजार २ सय ४९.१५ मा झरेको छ ।
कारोबारमा आएका मध्ये बैकिङ्ग, लघुवित्त र जीवन बिमा समुहको परिसूचक बढ्यो भने अन्य सबै समुहको सूचक घट्यो ।
बुधवार सबैभन्दा धेरै उत्पादन क्षेत्रको सूचक घटेको छ । उत्पादन क्षेत्रको सूचक १.०१ प्रतिशतले घटेको हो ।
बुधबार १ सय ६८ कम्पनीको २९ लाख ९८ हजार ९ सय ४७ कित्ता शेयर किनबेच हुँदा ५७ करोड ३४ लाख ४७ हजार रुपैयाँ बराबरको कारोबार भयो ।
बुधवार सबैभन्दा धेरै इन्फिनिटी लघुवित्त वितीय संस्थाका शेयर धनीले कमाए । इन्फिनिटीको शेयर मूल्य ९.८१ प्रतिशले बढ्यो ।
