काठमाडौं, २७ असार । लगातार दुई दिनदेखि परेको भारी वर्षाको कारण देशभरका विभिन्न स्थानमा सडक अवरुद्ध भएका छन् ।
वर्षाको कारण ठाँउठाँउमा पहिलो गएपछि ती सडक अवरुद्ध भएका हुन् ।
हामीलाई प्राप्त जानकारी अनुसार वर्षाका कारण बि.पि राजमार्ग स्थित पिप्ले, कालढुङ्गाा जोड्ने रोशीपुल नजिक पहिरो आएको कारण बि.पि राजमार्ग अवरुद्ध भएको छ ।
त्यस्तै सिदार्थ राजमार्गको सिद्धबाबामा पहिरोको कारण बुटवल पाल्पा सडकखण्ड अवरुद्ध भएको छ
लमजुङबाट मनाङ जाने सडक, भोजपुरबाट धरान जाने सडकका साथै नारायणघाट मुग्लीन सडकखण्ड पनि अवरुद्ध भएको छ
सडक अवरुद्ध भएसँगै ती सडकखण्डमा सयौं सवारी साधन रोकिँदा हजारौं यात्रुहरु अलपत्र भएका छन् । खासगरी लामो दुरीको यात्रा गरीरहेका यात्रु समस्यामा परेका छन् ।
