काठमाडौं । एएफसी एसियन कप २०२३ अन्तर्गत तेस्रो चरणमा इन्डोनेसियाविरुद्ध नेपाल पराजित भएको छ ।
समूह ‘ए’ मा रहेको नेपाली टोली तेस्रो हार बेहोर्ने क्रममा इन्डोनेसियाविरुद्ध ७–० गोल अन्तरले पराजित भएको हो ।
कुवेत सिटीमा सकिएको खेलमा इन्डोनेसियासामु नेपाली युवा टोली निरीह बन्यो । इन्डोनेसियाविरुद्ध पहिलो हाफमा दुई गोल खाएको नेपालले दोस्रो हाफमा थप पाँच गोल व्यहोरेको थियो
यसअघि नेपालले जोर्डनसँग २–० र दोस्रो खेलमा आयोजक कुवेतसँग ४-१ गोलको हार बेहोरेको थियो । नेपाललाई हराउँदै इन्डोनेसिया ६ अंक जोडेर एसियन कपमा छनोट भएको छ ।
