काठमाडौं । पर्यटकीय नगरी पोखरामा संचालित अन्नपूर्ण केबलकार १ साताका लागि बन्द हुने भएको छ ।
पोखराको लेकसाइड सेदीबगरदेखि सराङकोटसम्म संचालनमा रहेको उक्त केबलकार नियमित मर्मत सम्भार गर्न असार ३१ देखि साउन ६ सम्म बन्द हुने भएको हो।
केबलकारको सेवा साउन ७ गते बिहान ९ बजेदेखि यथावत् रूपमा सञ्चालन हुने कम्पनीले जनाएको छ ।
यसबाट यात्रुहरूलाई पर्न गएको असुविधा प्रतिक्षमाप्रार्थी भएको कम्पनीले बताएको छ।
