काठमाडौं । पछिल्लो २४ घण्टामा नेपालमा थप ७८१ जनामा कोरोना भाइरस संक्रमण पुष्टी भएको छ।
स्वास्थ्य तथा जनसंख्या मन्त्रालयका अनुसार २२९० जनाको पीसीआर परीक्षण गर्दा ४१९ जना र २४२२ जनाको एन्टिजेन परीक्षण गर्दा ३६२ जनामा संक्रमण देखिएको हो ।
योसँगै नेपालमा कोरोना संक्रमितको संख्या ९ लाख ९२ हजार ५६५ जना पुगेको छ ।
पछिल्लो २४ घण्टामा ५११ जना संक्रमण मुक्त भएका छन् । यो सहित संक्रमण मुक्त हुनेको संख्या ९ लाख ७४ हजार ८०६ पुगेको छ । सक्रिय संक्रमितको संख्या ५७७५ रहेको छ ।
पछिल्लो २४ घण्टामा मृत्यु हुनेको संख्या २ रहेको छ । नेपालमा कोरोना मृत्यु हुनेको संख्या ११ हजार ९८४ पुगेको छ ।
