काठमाडौं, ३० साउन । पछिल्लो २४ घण्टामा नेपालमा थप ८८८ जनामा कोरोना भाइरस संक्रमण पुष्टी भएको छ।
स्वास्थ्य तथा जनसंख्या मन्त्रालयका अनुसार ३१५५ जनाको पीसीआर परीक्षण गर्दा ४२७ जना र २५८२ जनाको एन्टिजेन परीक्षण गर्दा ४६१ जनामा संक्रमण देखिएको हो ।
योसँगै नेपालमा कोरोना संक्रमितको संख्या ९ लाख ९३ हजार ४५९ जना पुगेको छ ।
पछिल्लो २४ घण्टामा ४७४ जना संक्रमण मुक्त भएका छन् । यो सहित संक्रमण मुक्त हुनेको संख्या ९ लाख ७६ हजार ८३ पुगेको छ । सक्रिय संक्रमितको संख्या ५३८७ रहेको छ ।
पछिल्लो २४ घण्टामा मृत्यु हुनेको संख्या १ रहेको छ । नेपालमा कोरोना मृत्यु हुनेको संख्या ११ हजार ९८९ पुगेको छ ।
