काठमाडौं, ९ साउन । सरकारले ६ महिनादेखि रिक्त रहेको नेपाल दूरसञ्चार प्राधिकरणको अध्यक्ष पदमा पुरुषोत्तम खनाललाई नियुक्त गरेको छ ।
प्राधिकरणकै कार्यवाहक अध्यक्षको जिम्मेवारीमा रहेका खनाललाई सोमबार बसेको मन्त्रीपरिषद बैठकले प्राधिकरणको अध्यक्षका रुपमा नियुक्त गरेको हो ।
तत्कालिन अध्यक्ष दिगम्बर झाले पुषमा राजिनामा दिएपछि सरकारले वरिष्ठ निर्देशक खनाललाई नै कार्यवाहकक अध्यक्षको जिम्मेवारी दिएको थियो ।
रिक्त रहेको अध्यक्ष पदका लागि गत जेठ २७ मा सञ्चार, सूचना तथा प्रविधि मन्त्रालयले आवेदन माग गरेको थियो । १२ जनाले अध्यक्षको लागि आवेदन दिएका थिए जसमध्येबाट ३ जना सर्टलिस्टमा परेका थिए ।
छनौट समितिले सिफारिस गरे पछि खनाललाई मन्त्रिपरिषदले अनुमाेदन गरेकाे हाे ।
सम्बन्धित समाचार
दूरसञ्चार प्राधिकरणकाे अध्यक्ष छान्न सरकारले माग्याे आवेदन
