काठमाडौं । बजारमा देखिएको तरलता समस्या व्यवस्थापन गर्नकै लागि राष्ट्र बैंकले रिपोमार्फत ३० अर्ब रुपैयाँ बजारमा पठाउने भएको छ ।
यसअघि यही असोज १३ मा दुई साताका लागि राष्ट्र बैंकले रिपोमार्फत नै ३० अर्ब रुपैयाँ बजारमा पठाएको थियो ।
त्यसको म्याद आज सकिँदै छ । यसअघिको रिपोमा १४ दिनको म्याद राखिए पनि अहिले ७ दिनका लागि मात्र पैसा पठाउन लागिएको राष्ट्र बैंकले जनाएको छ ।
आज बजारमा पठाउन थालिएको रिपोको म्याद कात्तिक ३ गतेसम्म रहनेछ ।
