काठमाडौं । बंगलादेशलाई ५ विकेटले हराउँदै पाकिस्तान आईसीसी टी–२० विश्वकपको सेमिफाइनल पुगेको छ । आइतबार सम्पन्न खेलमा बंगलादेशलाई ५ विकेटले हराउँदै पाकिस्तान समूह ‘२’ को उपविजेताको रूपमा सेमिफाइनलमा प्रवेश गरेको हो ।
समूह चरणको अन्तिम खेलमा बंगलादेशले दिएको १ सय २८ रनको लक्ष्य पाकिस्तानले १८.१ ओभरमा ५ विकेटको क्षतिमा भेट्टायो ।
उसका लागि मोहम्मद रिजवानले ३२, मोहम्मद हरिसले ३१, कप्तान बाबर आजमले २५ र शन मसूदले अविजित २४ रन बनाए । बंगलादेशका लागि एबदात हुसेन, मुस्तफिजुर रहमान, शाविकअल हसन र नसुम अहमदले एक/एक विकेट लिए ।
त्यसअघि एडिलेडस्थित ओभल क्रिकेट मैदानमा टस जितेर ब्याटिङ रोजेको बंगलादेशले निर्धारित २० ओभरमा ८ विकेट गुमाएर १ सय २७ रन बनायो । उसका लागि नजिमुलहुसेन सान्तोले अर्धशतकीय पारी खेले ।
बंगलादेशका नुसम अहमेद, कप्तान साकिब अल हसन, मुस्ताफिजुर रहमान र इबादत हुसैनले समान एक-एक विकेट लिए ।
यसअघि, साहिन साह अफ्रिदीले चार विकेट लिएपछि टस जितेर ब्याटिङमा आएको बंगलादेशले निर्धारित २० ओभरमा आठ विकेट गुमाएर १२७ रनको मध्यम योगफल खडा गरेको थियो ।
बंगलादेशका ओपनर नज्मुल हुसैन सान्तोले ५४ रन बनाएका थिए । अफिफ हुसैनले २४, सौम्य सरकारले २० र लिटन दासले १० रन जोडे ।
बंगलादेशलाई मध्यम योगफलमा रोक्न चार विकेट लिएका अफ्रिदीले चार ओभरमा २२ रनमात्र खर्चिएका थिए । सदाब खानले दुई विकेट लिँदा ह्यारिस रौफ र इफ्तिखर अहमेदले एक विकेट लिए ।
