काठमाडौं । पृथ्वी राजमार्गअन्तर्गत धार्केको गणेशखोलाको पुल भासिएपछि अवरुद्ध सडक एकतर्फी रुपमा सञ्चालनमा आएको छ ।
सोमबारदेखि अवरुद्धसडक बिहान १० बजेदेखि एकतर्फी रुपमा सञ्चालनमा आएको हो ।
राजमार्ग १८ घण्टादेखि अवरुद्ध थियो । कतिपय साना सवारी साधनले काठमाडौं आउँदा गल्छी हुँदै नुवाकोटको बाटो र काठमाडौं बाहिर जाने सवारी साधनले त्रिभुवन राजपथ हुँदै हेटौंडाको बाटो प्रयोग गरिररहेका थिए ।
