काठमाडौं । मर्मतका कार्य गर्नका लागि मेलम्चीको पानी आजदेखि केहि समय रोकिने भएको छ ।
आयोजनाको मुहान तथा हेडवक्र्समा केही उपकरण जडान तथा मर्मत सम्भार गर्नुपर्ने भएकाले दुई हप्ताका लागि पानी वितरण बन्द हुने मेलम्ची खानेपानी आयोजनाले जनाएको छ ।
सामान्य बाढी आएको बेला आयोजनालाई सञ्चालनमा नै राख्ने गरी अहिले उपकरण जडान तथा मर्मत सम्भार गर्न लागिएको हो । २०७९ मंसिर २३ गतेदेखि तेस्रो पटक काठमाडौँमा मेलम्ची खानेपानी आयोजनाको पानीको वितरण सुरु भएको थियो ।
२०७७ चैतमा अस्थायी रूपमा पहिलो पटक र २०७८ चैतमा दोस्रो पटक मेलम्चीको पानी अस्थायी रूपमा राजधानी आइपुगेको थियो ।
