एजेन्सी । अर्जेन्टिनाका स्टार स्ट्राइकर लियोनल मेस्सीले फ्रान्सेली क्लब पेरिस सेन्ट जर्मेन (पीएसजी) लाई इन्स्टाग्राममा अनफलो गरेका छन् ।
मेस्सीले छाडेपछि पीएसजीले आफ्नो इन्स्टाग्राममा २० लाख भन्दा बढी फलोअर्स गुमाईसकेको छ । उनी अमेरिकन क्लब इन्टर मियामीमा आवद्ध भएका छन् । मियामीको भने तीस लाखभन्दा बढी फलोअर्स बढेको छ ।
सन् २०२१ मा पीएसजी गएका मेस्सीले फ्रान्सेली क्लबमा दुई सिजन बिताएका थिए । पीएसजीबाट खेल्दा मेस्सीले सबै प्रतियोगितामा गरी ७२ खेलमा ३२ गोल र ३५ असिस्ट गरेका थिए ।
