पोखरा । उड्न ठिक्क परेको यती एयरलाइन्सको जहाजमा मुसा भेटिएको छ ।
आज सोमबार मध्याह्न पोखरा अन्तर्राष्ट्रिय विमानस्थलबाट काठमाडौं उड्न लागेको जहाजमा मुसा भेटिएको हो ।
यती एयरको सो जहाज ११ बजेर ५० मिनेटमा उडान नम्बर ६७८ मार्फत काठमाडौं जाने तयारीमा थियो ।
जहाज रोकिएपछि थप अनुसन्धान र प्राविधिक परीक्षणका लागि काठमाडौंबाट इन्जिनियर बोलाइएको एयरलाइन्सको पोखरास्थित कार्यालयका एक कर्मचारीले जानकारी दिए । एयरलाइन्सका अन्य जहाजबाट भने उडान नियमित भइरहेको ती कर्मचारीको भनाइ छ ।
