एजेन्सी । इन्टर मायमी अमेरिकाको लिग्स कपको अन्तिम आठमा प्रवेश गरेको छ।
अन्तिम १६ को खेलमा एफसी डालासलाई पेनाल्टी सुटआउटमा ५-३ गोलले पराजित गर्दै मायमी क्वार्टरफाइनलमा पुगेको हो।
२ गोल अन्तरले पछि परेको अवस्थामा मेसीको उत्कृष्ट प्रदर्शनमा कमब्याक गर्दै मियामीले खेल बराबरीमा ल्याएको थियो।
पेनाल्टी सुटआउटमा मायमीका लागि कप्तान लिओनल मेसी, सर्जियो बुस्केट, कम्पाना, कमल मिलर र बेन्जामिन क्रेमस्चीले गोल गरे।
मेसीले मायमीका लागि पछिल्ला चार खेलमा ७ गोल गरिसकेका छन्। उनले पछिल्ला तीन खेलमा दुई दुई गोल गरेका छन्।
अब मायमीले अन्तिम आठमा ह्युस्टन डाइनामो र चार्लोट एफसीबीचको विजेतासँग खेल्नेछ।
