काठमाडौं । प्रतिनिधिसभाको बैठकमा नेकपा एमालेले नेपाली कांग्रेसका सांसद सुनिल शर्मा पक्राउ गरेकोप्रति आपत्ति जनाएको छ ।
एमालेको तर्फबाट बोल्दै सांसद ज्वालाकुमारी शाहले शर्मालाई पक्राउ गरेको प्रति आपत्ति जनाएकी हुन् । शाहले शर्मालाई किन पक्राउ गरेको भन्दै प्रश्न गरिन् ।
‘पटक पटक उच्चस्तरीय छानबिन बनाउन माग गर्ने सांसदलाई आज कुन हिसाबबाट समातिएको छ ? कानुनले पनि मिल्दैन ।
उहिले नै म्याद सकिएको प्रमाणपत्रलाई अहिले बखेडा झिकेर समातिएको छ, यसको घोर आपत्ति गर्न चाहन्छु,’ उनले भनिन् ।
