काठमाडौं । केन्द्रीय अनुसन्धान ब्युरोले उपराष्ट्रपति नन्दकिशोर पुनका छोरा दिपेश पुनसँग बयान लिएको छ।
६० किलो सुन प्रकरणमा पुनको पनि संलग्नता रहेको भन्ने आशंकामा प्रहरीले उनीसँग बयान लिएको हो। उनको दावा छिरिङसँगको सम्बन्ध रहेका कारण यसमा जोडिएको हुनसक्ने प्रहरीको बुझाइ छ।
बयानपछि उनलाई कागज बनाएर छाडिएको छ। अनुसन्धानमा आवश्यक परेको खण्डमा उपस्थित शर्तमा उनलाई छाडिएको हो।
अहिलेसम्म प्रहरीले यस प्रकरणमा २७ जनालाई पक्राउ गरेको छ। यसअघि पक्राउ परेका माओवादी उपाध्यक्ष कृष्णबहादुर महराका छोरा राहुल महराको पनि ६० किलो सुन प्रकरणमा संलग्नता रहेको सीआईबीको अनुसन्धानमा देखिएको छ।
