काठमाडौं । १६ दिनदेखि बेपत्ता रहेका नेपाली सेनाको शव शव फेला परेको छ ।
डोल्पाको दुनैस्थित नन्दबक्स ब्यारेकमा कार्यरत सेनानी विमल पण्डितको मंगलबार त्रिपुरासुन्दरी नगरपालिका–५ अन्तर्गत पर्ने करबगाडको चिन्ढेबगर नजिक भेरीको किनारमा शव फेला परेको हो ।
भेरीमा माछा मार्न जाल खेल्दै जानेक्रममा बिहान ६ बजेतिर एक स्थानीयले चिन्ढेबगर नदी किनारमा लास देखेपछि खदांगस्थित प्रहरी चौकीमा खबर गरेका थिए ।
दुईवटा ढुंगाको खोल्सामा शव देखेपछि ती स्थानीयले बेपत्ता मेजर हुन् कि भनेर जाल खेल्न छाडेर चौकीमा खबर गरेका थिए ।
काठमाडौंस्थित कागेश्वरी मनोहरा नगरपालिका डाँछी घरभई डोल्पामा कार्यरत ३८ वर्षीय मेजर पण्डित भदौ १० गतेदेखि बेपत्ता भएका थिए । मेजरको शवलाई पोस्टमार्टमका लागि जिल्ला अस्पताल लगिएको छ। ‘इभिनिङ वाक जान्छु’ भन्दै गत भदौ १० गते उनी ब्यारेक बाहिर निस्किएका थिए।
