काठमाडौं । सरकारले संसदमा केही दिनअघि दर्ता गरेको विद्यालय शिक्षा विधेयकको विरोधमा देशभरका शिक्षक आन्दोलित भएका छन्।
उनीहरू विद्यालय नै बन्द गर्दै राजधानी केन्द्रित आन्दोलनमा सहभागि भएका हुन् । शिक्षा, विज्ञान तथा प्रविधि मन्त्रालयले यथोचित मागहरू सम्बोधन गर्न तयार रहेको भन्दै वार्तामा बोलाए पनि उनीहरू त्यसलाई बहिस्कार गरी सडकमा ओर्लिएका छन् ।
आन्दोलनको कारण देशभरका करिब ३० हजार विद्यालय ठप्प हुनेछ भने करिब ७० लाख विद्यार्थी पढ्नबाट वञ्चित हुनेछन्। महासंघले घोषित १८ बुँदा संशोधन नभएसम्म देशैभरका शिक्षकले राजधानी नछाड्ने चेतावनी दिएको छ।
