काठमाडौं । काठमाडौंको जमलस्थित एक होटलमा सोमबार दिउँसो मेडिकल व्यवसायी दुर्गा प्रसाईंलाई अज्ञात समूहले कालोमोसो दलेका छन्।
प्रसाईंले उक्त होटलमा पत्रकार सम्मेलन राखेका थिए। पत्रकार सम्मेलन सकेर होटल बाहिर निस्केका प्रसाईंमाथि कालोमोसो दलिएको हो। सार्वजनिक एक भिडियोमा उनीमाथि कालोमोसो दलिएको देखिएको छ भने शरीरको कपडा पनि च्यातिएको देखिएको छ ।
प्रहरीले घटनाबारे अनुसन्धान भइरहेको जनाएको छ । प्रसाईंलाई कसले कालोमोसो दलेको हो भन्ने खुलेको छैन।
