काठमाडौं । सरकारले भूकम्पका कारण जाजरकोट र रुकुमपश्चिममा घर भत्केकाहरुलाई तत्काल ५० हजार रुपैयाँ दिने भएको छ । कात्तिक १७ गएको भूकम्पबाट पूर्ण रूपमा घर भत्किएकाहरूलाई अस्थायी आवास बनाउन सरकारले तत्काल ५० हजार रुपैयाँ दिन लागेको हो ।
गृह मन्त्रालयको विपद् न्यूनीकरण समितिको आइतरबार बसेको बैठकले अस्थायी आवास बनाउन प्रतिपरिवारलाई ५० हजार रुपैयाँ दिने निर्णय गरेको हो । समितिले उक्त रकम दुई किस्तामा उपलब्ध गराउने जनाएको छ ।
भूकम्पका कारण जाजरकोट र रूकुम पश्चिममा २६ हजार पाँच सय ५७ घरमा पूर्ण रूपमा क्षति भएको छ भने ३५ हजार चार सय ५५ घरमा आंशिक क्षति पुगेको छ।
