काठमाडौं । देशमै प्रयाप्त रोजगारीको अवसर नहुँदा वैदेशिक रोजगारीका लागि एक महिनामै ४३ हजारले श्रम स्वीकृति लिएका छन् ।
वैदेशिक रोजगार विभागका अनुसार, कात्तिकमा ३८ हजार ३२२ पुरुष र ५ हजार ३ सय जना महिला गरी कुल ४३ हजार ६२२ जनाले वैदेशिक रोजगारीमा जान श्रम स्वीकृति लिएका हुन् । श्रम स्वीकृति लिएका कामदारहरुमा दक्ष, अर्धदक्ष, पेशागत, सिप भएका र सीप नभएका कामदारहरुको संख्या रहेको छ ।
वैदेशिक रोजगारीका लागि श्रम स्वीकृति लिएकाहरुमा उच्चदक्ष कामदारको संख्या ५१,पेशागत कामदारको संख्या ८६, अर्धदक्ष कामदारको संख्या ४ हजार १८४ सीपयुक्त कामदारको संख्या ३० हजार ८३२ र सीप नभएका कामदारहरुको संख्या ८ हजार ४६९ रहेको तथ्याङकमा उल्लेख छ ।
