काठमाडौं । नेपाल आयल निगमका कार्यकारी निर्देशक उमेश प्रसाद थानीले पदबाट राजीनामा दिएका छन्। भोलि बुधबार २७ मंसिरबाट लागू हुनेगरी मंगलबार अपराह्न ४ बजे उद्योग वाणिज्य तथा आपूर्ति मन्त्रालयमा पुगेर थानीले राजीनामा दिएका हुन् ।
निगममा २१ महिना बिताएर कार्यकाल सकिनु १५ महिना अगाबै थानीले पदबाट राजीनामा दिए ।
थानीले राजीनामाको कारण भने खुलाएका छैनन् । थानीले स्वतन्त्र रुपमा बस्न चाहन्छुु भनेपछि उनको राजीनामा उद्योगमन्त्री रमेश रिजालले स्वीकृत गरेका स्रोतले जनाएको छ ।
