काठमाडौं । ललितपुरको बाफलमा आगलागीमा परी घाइते भएका थप एक जनाको मृत्यु भएको छ।
वैशाख २३ गते ललितपुर महानगरपालिका वडा नम्बर १७ बाफलस्थित टिनले छाएको एउटा घरमा आगलागी हुँदा एकै परिवारका पाँच जना घाइते भएका थिए।
जिल्ला प्रहरी परिसर ललितपुरका अनुसार घाइते भएकी रूपा गिरीको सोमबार बिहान २: ३५ बजे किष्ट अस्पतालमा उपचारका क्रममा मृत्यु भएको हो। उनीसँगै आगलागीमा परेका दुई बालिकाको यसअघि २४ वैशाखमा मृत्यु भएको थियो । दुबै बालिका मृतक रूपाकी छोरीहरू हुन् ।
आगलागी हुँदा घाइते भएका रूपाका श्रीमान् सञ्जय गिरी र १५ वर्षीय मित गिरीको उपचार जारी छ । सञ्जयको घर भने रौतहट राजदेवी हो । सञ्जयको अवस्था पनि गम्भीर रहेको प्रहरीले जनाएको छ ।
योसँगै मृत्यु हुनेको संख्या तीन पुगेको छ।
