काठमाडौं । नबिल बैंकका प्रमुख कार्यकारी अधिकृत (सीईओ) ज्ञानेन्द्रप्रसाद ढुंगानाको कार्यकाल २ वर्ष थप भएको छ ।
जेठ २ गते बसेको बैंक संचालक समितिको बैठकले सीईओ ढुंगानाको कार्यकाल २ वर्ष थप्ने निर्णय गरेको हो ।
थपिएको कार्यकाल आगामी असार १७ गतेदेखि लागू हुने बैंकले जनाएको छ । ढुंगानाले २०७९ असार १७ गतेदेखि बैंकको नेतृत्व सम्हालेका थिए ।
ढुंगानासँग बैंकिङ क्षेत्रमा ३ दशक लामो काम गरेको अनुभन छ । उनी नबिलको सीईओ हुनअघि साविकको नेपाल बंगलादेश बैंक १ दशक व्यवस्थापकीय नेतृत्व गरेका थिए। त्यस्तै, नेपाल क्रेडिट एण्ड कमर्स (एनसीसी) बैंकमा महाप्रबन्धक भएर समेत काम गरेका थिए ।
