काठमाडौं । सुदूरपश्चिमको राजधानी धनगढीको तापक्रम ४४ डिग्री सेल्सियस नाघेको छ ।
मौसम तथा विज्ञान विभाग अन्तर्गतको महाकाली बेसिन फिल्ड कार्यालय अत्तरियाकाअनुसार बुधबार मापन गरिएको रेकर्ड ब्रेक गर्दै बिहीबार ४४.१ डिग्री सेल्सियस मापन गरिएको छ ।
बिहीबारको तापक्रम वर्षकै सर्वाधिक भएको मौसम तथा विज्ञान विभागले जनाएको छ । लगातार चलेको तातो हावा र अत्यधिक गर्मीका कारण धनगढीको जनजीवन प्रभावित भएको छ।
दिउँसोको समय सडकमा अत्यन्त कम संख्यामा मानिसहरू देखिन्छन्। सडकमा सवारी साधनको आवतजावत पनि कम नै छ।
