काठमाडौं, १० असोज । शुक्रवार छापावाल सुनको मूल्य प्रतितोला २ सय रुपैयाँले घटेर ७० हजार ८ सय रुपैयाँ कायम भएको नेपाल सुनचाँदी महासंघले बताएको छ ।
विहिवार ७१ हजार रुपैयाँमा कारोबार भएको छापावाल सुनको मूल्यमा शुक्रवार २ सय रुपैयाँले कमी आएको हो ।
तेजावी सुनको मूल्यमा पनि २ सय रुपैयाँले कमी आएको छ । विहिवार प्रतितोला ७० हजार ७ सय रुपैयाँमा कारोबार भएको तेजावी सुन शुक्रवार ७० हजार ५ सय रुपैयाँ कायम भएको छ ।
शुक्रवार चाँदीको मूल्य पनि ५ रुपैयाँले घटेको छ । विहिवार प्रतितोला ८ सय ६५ रुपैयाँमा कारोबार भएको चाँदीको मूल्य शुक्रवार ८ सय ६० रुपैयाँ कायम भएको महासंघले बताएको छ ।
