काठमाडौं । असोज दोस्रो साताको वर्षाले पु¥याएको क्षतिमध्ये असोज २९ गतेसम्म करिब ८ अर्ब ९८ करोड ३० लाखको बिमा दाबी परेकोमा सवा १७ करोड बराबर भुक्तानी भएको छ । एक हजार ३ सय दुई सय ४४ दाबी संख्याबाट त्यति रकम मागदाबी तथा भुक्तानी गरिएको गरिएको नेपाल बिमा प्राधिकरणले जनाएको छ ।
प्रादेशिक रुपमा हेर्दा सबैभन्दा बढी दाबी वाग्मती प्रदेशमा छ । यस प्रदेशमा हालसम्म दुई हजार आठ सय ६९ वटा दाबी संख्यामार्फत ८ अर्ब ३३ करोड ९१ लाख रुपैया“ बराबर दाबी देखिएको छ ।
धेरै दाबी पर्ने प्रदेशको दोस्रो नम्बरमा कोशी छ । यस प्रदेशमा दुई सय १५ वटा दाबी संख्यामार्फत करिब ४० करोड ९६ बराबरको दाबी परेको छ । कोशीपछि क्रमशः मधेश, लुम्बिनी, गण्डकी, कर्णाली र सुदूरपश्चिममा धेरै दाबी परेको प्राधिकरणको तथ्यांक छ ।
यस्तै, अजोस २९ सम्म परेका दाबीमध्ये सम्पत्ति बिमाअन्तर्गत सबैभन्दा धेरै १६ हजार २० वटा दाबी परेका छ । जसमा ६ अर्ब ६८ करोड ६७ लाख रुपैयाँ माग दाबी गरिएको छ भने १६ करोड १० लाख रुपैया“ बराबरको भुक्तानी पनि भइसकेको छ ।
यसैगरी, इन्जिनियरिङ तथा ठेकेदार जोखिम बिमालेखअन्तर्गत १ अर्ब ८४ करोड ७ लाख रुपैयाँ, मोटर बिमा (निजी) अन्तर्गत २३ करोड ७२ लाख ९० हजार, मोटर बिमा (सार्वजनिक) अन्तर्गत १६ करोड ९४ लाख ६९ हजार, सामुद्रिक बिमाअन्तर्गत २ करोड २१ लाख, कृषि बाली बिमाअन्तर्गत १ करोड ११ लाख, पशुपन्छी बिमाअन्तर्गत १ करोड १ लाख र अन्य (विविध) बिमालेखअन्तर्गत ५४ लाख ८५ हजार रुपैयँ“ बराबरको दाबी कम्पनीहरुमा परेको छ ।
