काठमाडौं । भारतको उत्तरप्रदेशस्थित प्रयागराजमा जारी कुम्भ मेलामा भागदौडका क्रममा मृत्यु हुनेको संख्या ३० पुगेको छ ।
जसमध्ये २५ जनाको सनाखत भइसकेको भारतीय सञ्चारमाध्यमहरूले जनाएका छन् ।
भागदौडमा ६० जना घाइते भएका छन्। घटनापछि अमृत स्नान रद्द गरिएको छ ।
१३ जनवरीदेखि सुरु भएको महाकुम्भ मेलामा हालसम्म १५ करोड व्यक्तिले गंगामा स्नान गरिसकेका छन् ।
बुधबार मौनी अमावस्यमा १० करोड भन्दा धेरै श्रद्धालु गंगा कुम्भ मेलामा सहभागी हुने अनुमान छ । मंगलबार राति नै प्रयागराजको संगमस्थानमा एकाएक भागदौड मच्चिएकोमा धेरै व्यक्तिको भिडमा कुल्चिएर ज्यान गएको हो ।