काठमाडौं । शनिबार देशका केही भू-भागमा पश्चिमी वायुको सामान्य प्रभाव रहेकोले मौसम बदली भएको छ । मौसममा आंशिकदेखि सामान्य बदली भएको हो ।
मौसम पूर्वानुमान महाशाखाका अनुसार कोशी र लुम्बिनी प्रदेश र अन्य प्रदेशका पहाडी भू-भागमा मौसम बदलीको सम्भावना रहेको छ । अन्य भू-भागमा मुख्यतया सफा रहने छ ।
आज तराईंका केहि र उपत्यकाका भू-भागमा हुस्सु र कुहिरो लागेको छ ।
आज राति भने कोशी, गण्डकी, कर्णाली र सुदूरपश्चिम प्रदेशका केही स्थानमा हल्का हिमपातको सम्भावना रहेको महाशाखाले जनाएको छ ।
केही ठाउँमा हिमपात हुने र तराईमा हुस्सु/कुहिरोले जनजीवन प्रभावित हुन सक्ने भएकोले सतर्कता अपनाउन महाशाखाले आग्रह गरेको छ ।
