काठमाडौं । अब फेसबुकमा लाइभ गरिएका भिडियोहरू ३० दिनपछि आफै डिलिट हुने भएको छ ।
फेसबुक मंगलबार गरेको नयाँ घोषणा अनुसार लाइभ गरिएका भिडियोहरू ३० दिनभन्दा बढी समयसम्म सुरक्षित रहने छैनन् ।
यो नयाँ व्यवस्था बुधबारदेखि लागु हुने फेसबुक सञ्चालक संस्था मेटाले जानकारी दिएकाे छ ।
फेसबुकका अनुसार भिडियो मेट्नुअघि प्रयोगकर्तालाई यसबारे जानकारी प्राप्त हुनेछ । ताकि साे भिडियाेलाई सेभ गर्न सकियाेस । सूचना पाएपछि प्रयोगकर्ताले ६ महिनासम्म थप समय माग्न वा तत्काल यसलाई डाउनलोड गर्ने, क्लाउड स्टोरेजमा सार्ने वा नयाँ रिलमा परिवर्तन गर्ने जस्ता विकल्पमा काम गर्न पाउनेछन् ।
