काठमाडौं । राजावादीलाई काउन्टर दिन आज काठमाडौंमा समाजवादी मोर्चाले शक्ति प्रदर्शन गर्दैछ । जसको नेतृत्व माओवादी केन्द्रले गरेको छ ।
उता, दुर्गा प्रसाईको नेतृत्वमा राजावादी पक्षधरले समेत प्रदर्शनको आयोजना गर्दा दिनभरजसो यातायात प्रभावित हुने देखिएको छ ।
मोर्चामा संलग्न रहेका ४ दल मध्ये नेकपा माओवादी केन्द्रले ४ ठाउँबाट प्रदर्शन गर्दैछ । माधवकुमार नेपाल नेतृत्वको नेकपा एकीकृत समाजवादीले दुई ठाउँ र नेत्रविक्रम चन्द नेतृत्वको नेकपा र महेन्द्रराय नेतृत्वको नेपाल समाजवादी पार्टीले एक एक ठाउँबाट प्रदर्शन गर्नेछन् ।
माओवादी केन्द्रले बबरमहल, कुपण्डोल, त्रिपुरेश्वर, सो¥हखुट्टे जुलुस प्रदर्शन गर्नेछ भने एकीकृत समाजवादीले मैतिदेवी डिल्लीबजार हुँदै आउनेछ ।
उता, चन्द नेतृत्वको नेकपाले सुन्धाराबाट प्रदर्शन गर्नेछ भने नेसपाले न्युरोड गेटबाट प्रदर्शन गर्नेछन् ।
अपरान्ह् १२ बजेबाट सुरू हुने जुलुस प्रदर्शनी मार्गमा पुगेर सभामा परिणत हुनेछ। तर, सो सभालाई कस कसले सम्बोधन गर्ने भन्ने अझै सार्वजानिक गरिएको छैन।
प्रहरीले भने राजावादी र गणतन्त्रवादीका समर्थकलाई भेट नगराउने गरी तयारी गरेको जनाएको छ । उपत्यका भर ५ हजार भन्दा धेरै प्रहरी परिचालन गरिएको छ ।
कुलमानको बर्खास्तीविरुद्ध प्रदर्शनमा उत्रिएका विदेशि नागरिक पक्राउ
