काठमाडौं । मंगलबार फेरि सुनकाे भाउने हालसम्मकै उच्च मूल्यकाे नयाँ रेकर्ड राखेकाे छ।
नेपाल सुनचाँदी व्यवसायी महासंघले यस दिन भाउ प्रतितोला १ लाख ७९ हजार ७ सय रुपैयाँ तोकेको छ । आजको मूल्य अघिल्लो दिनको तुलनामा १८ सय बढी हो ।
अघिल्लो दिन प्रतितोला १ लाख ७७ हजार ९ सय रुपैयाँमा सुनको कारोबार भएको थियो ।
नेपाली बजारमा गत शुक्रबारदेखि सुनको मूल्यले दिनदिनै नयाँ रेकर्ड बनाउँदै आएको छ । अन्तर्राष्ट्रिय लगानीकर्ताहरुले सुनमा लगानी बढाउन थालपछि यसकाे भाउ बढेकाे हाे। लगानीकर्ता तथा केन्द्रीय बैंकले समेत सुनमा लगानी बढाएपछि अन्तर्राष्ट्रिय बजारमा माग बढ्न गई मूल्य बढिरहेको छ । बिशेषत अमेरिकी राष्ट्रपति डोनाल्ड ट्रम्पले विभिन्न देशबाट अमेरिका आयात हुने वस्तुमा करका दर बढाएपछि लगानीकर्ता सुनतर्फ आकर्षित भएका हुन्।
