काठमाडौं १४ कात्तिक । बिहीबार पहाडी क्षेत्रको मौसम आंशिक बदली भएपनि अरु ठाउँको मौसम सफा हुने मौसम पूर्वानुमान महाशाखाको बुलेटिनमा जनाईएको छ ।
बंगलादेश आसपास बनेको न्यून चापीय प्रणाली र अरब सागरमा बनिरहेको अर्को न्यून चापीय प्रणालीसँगै स्थानीय वायुले पहाडी क्षेत्रमा बादल ल्याउने भएकाले पहाडी भेगको एक/दुई ठाउँमा हल्का पानी समेत पर्न सक्नेछ । अरु ठाउँको मौसम भने सामान्यतया सफा नै रहनेछ ।
मौसम पूर्वानुमान महाशाखा
कात्तिक १४ गते बिहिबार
दिउँसो : देशको पहाडी भूभागमा आंशिक बदली र बाँकी भूभागमा मौसम सामान्यतया सफा रहने देखिन्छ। पहाडी भूभागका एक वा दुई स्थानमा हल्का वर्षा हुने सम्भावना छ ।
राति : देशको पहाडी भूभागमा आंशिक बदली र बाँकी भूभागमा मौसम सामान्यतया सफा रहने देखिन्छ।
कात्तिक १५ गते शुक्रबार
दिउँसो : देशको पूर्वी तथा मध्य पहाडी भूभागमा आंशिक बदली र बाँकी भूभागमा मौसम सामान्यतया सफा रहने देखिन्छ।
राति : देशभर मौसम सामान्यतया सफा रहने देखिन्छ।
कात्तिक १६ गते शनिबार
दिउँसो : देशको पहाडी भूभागमा आंशिक बदली र बाँकी भूभागमा मौसम सामान्यतया सफा रहने देखिन्छ।
राति : देशभर मौसम सामान्यतया सफा रहने देखिन्छ।
