काठमाडौं, १४ कात्तिक । काठमाडौंको लप्सेफेदीमा बस दुर्घटना हुँदा तीनजनाको मृत्यु भएको छ ।
महानगरीय प्रहरी प्रभाग साँखुका अनुसार सिन्धुपाल्चोकबाट काठमाडौं आउँदै गरेको आमा ह्योल्मो यातायातको बा ५ ख ५०७० नम्बरको बस दुर्घटनामा परेको हो ।
दुर्घटनामा तीनजनाको घटनास्थलमै मृत्यु भएको र २० जनाभन्दा बढी घाइते भएको प्रहरीले जनाएको छ ।
घाइते सबैको उद्धार गरिएको छ । ओरालोमा चिप्लिएर बस दुर्घटनामा परेको प्रारम्भिक अनुसन्धानबाट खुलेको छ ।
