काठमाडौं, १३ पुस । नेकपाले प्रदेश ३ को नाम बागमति र राजधानी हेटौंडा कायम गर्ने निर्णय गरेको छ ।
आइतबार बिहान नेकपा सचिवालयमा बसेको बैठकले प्रदेशको नाम बागमति र राजधानी हेटौंडा नै कायम गर्नेगरी निर्देशन दिने निर्णय गरेको हो ।
प्रदेश ३ को प्रदेशसभामा नेकपाको दुईतिहाई भएपनि प्रदेशको नाम नेपाल मण्डल, नेवा ताम्सालिङ र बागमति कुन राख्ने भन्नेमा नेकपामा कुरा मिल्न सकेको थिएन् ।
त्यस्तै, राजधानी पनि काभ्रे, भक्तपुर र हेटौंडामध्ये कहाँ राख्ने भन्नेमा नेकपामा नै बिबाद थियो ।
