काठमाडौं, २७ पुस । काठमाडौं उपत्यकामा शनिवार २९ सवारी साधनहरु दुर्घटना भएका छन् ।
महानगरीय ट्राफिक महाशाखाको तथ्यांक अनुसार शनिवार २९ वटा सवारी साधनहरु दुर्घटनामा परेका हुन् ।
महाशाखाको अनुसार ति दुर्घटनामा परी १२ जना घाइते भएका थिए । जसमा ११ जनाको अवस्था सामान्य रहेको छ, भने एकको अवस्था गम्भीर रहेको छ ।
शनिवार मा.प.से, लेन अनुशासन, हर्न कारबाही आदी जस्ता विभिन्न कारबाहीमा १ हजार ४ सय ३ सवारी साधन परेका छन् ।
यस्तै, शनिवार उपत्यकामा विभिन्न नाका भएर २० हजार ३ सय ३७ सवारी भित्रिए भने २१ हजार ८ सय १७ सवारी बाहिरिए ।
