काठमाडौं, ७ माघ । प्रमुख प्रतिपक्षी दल नेपाली कांग्रेसले सभामुख पदको लागि उम्मेदवारी नदिने भएको छ। मंगलबार दलको संसदीय कार्यालय सिंहदरबारमा बसेको बैठकले सभामुखमा उम्मेद्वारी नदिने निर्णय गरेको हो ।
नेकपासँग स्पष्ट बहुमत पनि भएको र सभामुख पद तटस्थ हुनुपर्ने भएकोले कांग्रेसले उम्मेदवारी नदिने निर्णय गरेको कांग्रेसको तर्क छ ।
संसदीय दलको बैठकमा उपसभामुख पदमा उम्मेदवारी दिने या नदिने विषयमा छलफल नै नभएको जनाईएको छ ।
संविधानअनुसार सभामुख र उपसभामुख पद फरक दल र फरक लिंगको हुनुपर्ने छ।
नेकपाले सभामुख पदको लागि अग्निप्रसाद सापकोटालाई उठाउने निर्णय गरिसकेको छ। नेकपाका नेता अग्नि सापकोटाले सभामुखका लागि उमेदवारी दर्ता गराएका छन् ।
सुवासचन्द्र नेम्वाङ प्रस्तावक र ओनसरी घर्ती, देव गुरुङ र लक्ष्मणलाल कर्ण समर्थक रहेका छन् ।
