काठमाडौं । अनलाइनबाट खानेकुराको कारोबार गर्ने फुडमान्डुका सेवाग्राहीहरुको तथ्यांक चोरिएको छ ।
शनिबार साँझ कम्पनीको वेबसाइट ह्याक भएको र उक्त ह्याकबाट ५० हजारभन्दा बढी सेवाग्राहीहरुको व्यक्तिगत तथ्यांक चोरी भएको पुष्टि भएको छ ।
सेवाग्राहीको नाम, इमेल ठेगाना र फोन नम्बर आदी चोरी भएको प्रारम्भीक अनुसन्धानबाट खुल्न आएको छ ।
कम्पनीले उक्त घटनापछि साइभर सुरक्षाका सबै उपाय अपनाएर ह्याकरबाट मुक्त गराएको बताउँदै उक्त घटनाप्रति सेवाग्राहीसँग माफी मागेको छ।
कम्पनीको वेबसाइट कसले ह्याक गरेको हो भन्नेखुल्न सकेको छैन ।
