काठमाडौं, ५ बैशाख । भाटभटेनी सुपरमार्केटले लकडाउनको कारण बन्द रहेका काठमाडौं उपत्यकाका ६ स्टोर शुक्रबारदेखि खुला गरेको छ ।
भाटभटेनीले उपत्यकाका पुलचोक, महाराजगंज, कंलकी, कोटेश्वर, भक्तपुर र नक्साल आउटलेटबाट शुक्रबारदेखि खुला गरेको हो । सुपरमार्केटले लकडाउनका बीच उपत्यका बाहिरका ७ वटा आउटलेटबाट सेवा दिँदै आएको छ ।
लकडाउनका कारण अहिले भाटभटेनीले होम डेलिभरीको सुविधा प्रदान गर्दै आएको छ। बिहान १० बजेदेखि बेलुका ७ बजेसम्म स्टोर खुल्नेछ। एक पटकमा स्टोरभित्र १० जनालाई मात्रै प्रवेश दिइने छ।
