काठमाडौं, २७ असार । सिन्धुपाल्चोकको बाह्रबिसे नगरपालिकाको जम्बु र भोटेकोशी गाउँपालिकाको बुलकुटेमा बुधबार राति आएको बाढी-पहिरोमा परी बेपत्ता भएकाहरुमध्ये एक जना जीवितै फेला परेका छन्।
प्रहरीले खोजी तथा उद्धारको क्रममा एक जनालाई जीवितै फेला र एक जना मृत अबस्थामा भेटिएका छन् ।
जिल्ला प्रहरी कार्यालय सिन्धुपाल्चोकका डिएसपी माधव काफ्लेले असार २६ गते आएको लार्चा बाढीमा परी बेपत्ता भएका ५७ बर्षीय नाप्चे मगर जिवित अबस्थामा भेटिएको जानकारी दिए ।
उनको टाउको र खुट्टामा सामान्य चोटपटक लागेको र स्थानीय स्वास्थ संस्थामा उपचार भईरहेको छ ।
त्यस्तै भोटेकोशी गाउँपालिका ५ बुलकुटेमा बाढी र पहिरोमा परेर बेपत्ता भएका भोटेकोशी गाउँपालिकाका ६ बर्षीय साहिल तामाङ मृत अबस्थामा भेटिएका छन् ।
