काठमाडौं, १४ साउन । सरकारले कोरोना संक्रमितको उपचार गर्न अस्पताललाई अनुदान दिने भएको छ ।
जनसंख्या मन्त्रालयका प्रवक्ता डा. जागेश्वर गौतमले मन्त्रालयको नियमित पत्रकार सम्मेलनमा यसबारे जानकारी दिएका हुन् ।
गौतमको अनुसार सरकारको असार १५ गते बसेको बैठकले कोरोना भाईरसको संक्रमितको उपचार गरे बापत अस्पताललाई अनुदान दिने विषय स्विकृत भएसँगै अनुदान दिने निर्णय गरेको हो ।
यस अनुदान अन्तर्गत सरकारले संक्रमण भई घरमै आइशोलेशनमा बस्नेलाई चिकित्सकको निगरानीलाई प्रतिव्यक्ति प्रतिदिन २ सय रुपैयाँ दिने र अति जतिल कोरोना संक्रमितको उपचारको लागि प्रति व्यक्ति प्रति दिन १५ हजार दिने बारे गौतमले जानकारी दिएका हुन् ।
व्यक्ति, सस्था वा अस्पतालले पाउने अनुदान विवरण सहित
-लक्षण देखिएका र शंकास्पद व्यक्तिको घरमा नै चिकित्सकको निगरानी खर्च प्रतिव्यक्ति प्रतिदिन -रु २००
-आइशोलेशनमा बस्ने प्रतिव्यक्ति प्रतिदिन सम्बन्धित सस्था -रु २०००
-सामान्य लक्षण भएका जेष्ठ नागरिक र दिर्घ रोगीलाई प्रतिव्यक्ति प्रतिदिन -रु ३५००
-मध्यम तथा जटिल बिरामीका लक्षण देखिएका प्रतिव्यक्ति प्रतिदिन -रु ७०००
– अति जटिल बिरामीको व्यस्थापन गर्दा प्रतिव्यक्ति प्रतिदिन अस्पताल- १५००० गौतमले जानकारी दिएका हुन् ।
