काठमाडौं, १८ साउन । गण्डकी प्रदेशमा थप २० जनामा कोरोना संक्रमण पुष्टि भएको छ।
क्षयरोग उपचार केन्द्र पोखरा र पोखरा स्वास्थ्य विज्ञान प्रतिष्ठानमा गरिएको परीक्षणमा तनहुँका २, स्याङजाका ८, लमजुङका ३, बाग्लुङका १ र कास्कीका ६ जनामा संक्रमण पुष्टि भएको प्रदेश स्वास्थ्य निर्देशनालयद्धारा विज्ञप्तिमा जनाइएको छ ।
थपिएकाहरु २० वर्ष देखि ६२ वर्षसम्मका उमेरसमुहका छन् । जसमा दुई महिला र अन्यसबै पुरुष रहेका छन् ।
योसँगै गण्डकी प्रदेशमा कोरोना संक्रमितको संख्या १ हजार ५ सय ५ पुगेको छ भने १ हजार २ सय ४५ जना निको भइसकेका छन्।
