काठमाडौं, १ भदौं । एनआईसी एशिया बैंकले कुशे औंसी अर्थात् बुबाको मुख हेर्ने दिनलाई लक्षित गरी बुबालाई उपहार किन्दा ३० प्रतिशतसम्म छुटको योजना ल्याएको छ ।
बैंकले कुशे औंसीका दिन विभिन्न सामग्री खरिद गर्न देशका विभिन्न १४ वटा मर्चेन्टहरूसँग समझदारी गरी ३० प्रतिशतसम्म छुट योजना ल्याएको जनाएको छ ।
ग्राहकले उक्त विशेष दिनमा सामग्री खरिद गरी बैंकको मोबाइल बैंकिङ र कार्ड (डेबिट तथा क्रेडिट) बाट कारोबार रकम भुक्तानी गर्दा उक्त छुट प्राप्त गर्ने जनाइएको छ ।
बैंकसँग सो अवधिमा आबद्ध भएका विभिन्न १४ वटा मर्चेन्टमार्फत विभिन्न इलेक्ट्रोनिक सामग्रीहरू, कपडा, केक, मिठाईलगायत सामग्रीहरू उक्त छुटमा खरिद गर्न सक्नेछन् ।
यस बैंकका मोबाइल बैंकिङ र कार्ड (डेबिट तथा क्रेडिट) प्रयोगकर्ता महानुभावहरूले सीजी डिजिटल, एलजी लाइफस्टाइल सप्पी, होटल र्याडिसन, त्रिवेणी ग्रुप, ८ डिग्री, केटीएम सिटी, कृष्ण पाउरोटीलगायत मर्चेन्टबाट सामग्री खरिद गर्दा लागत मूल्यको ३० प्रतिशतसम्म छुट उपलब्ध गराउने गरी बैंकले समझदारी गरेको जनाएको छ ।
बैंकले आफ्ना मोबाइल बैंकिङ वा कार्ड (डेबिट/क्रेडिट) प्रयोगकर्तालाई देशभरका २,५०० वटाभन्दा बढी अस्पताल, होटेल तथा रेस्टुरेन्ट, डिपार्टमेन्ट स्टोरलगायतमा सेवा लिई लागत रकम भुक्तानी गर्दा कारोबार रकमको ३० प्रतिशतसम्म छुट दिने व्यवस्था गरेको जनाएको छ ।
सम्बन्धितः
एनआईसी एशियाको सुपर चमत्कारिक कर्जाको फाइदा जाँच्न ‘लोन बेनिफिट क्यालकुलेटर’
कर्मचारी सञ्चय कोष र एनआईसी एशिया बैंकबीच समझदारी
एनआईसी एशिया बैंकको खातामा पैसा जम्मा गर्न यसरी भर्नुहोस् अनलाईनबाटै भौचर
